Буюк Британия пойтахти Лондон 10 кун давомида пара-атлетика бўйича Жаҳон чемпионатига мезбонлик қилди. Унда 7 нафар ўзбекистонлик спортчи иштирок этиши тўғрисида аввалроқ маълумот берилганди.
7 нафар спортчи Ўзбекистон делегациясига 7 та медаль олиб берди. Шуларнинг 3 таси олтин бўлса, 4 таси кумуш. Бундан 7 спортчидан 5 нафарига шоҳсупага чиқиш насиб қилганини кўриш мумкин.
Олтин
Александр Свечников — найза улоқтириш (жаҳон рекорди)Дониёр Солиев — узунликка сакраш (Осиё рекорди)Хусниддин Норбеков — диск улоқтиришКумуш
София Бурхонова — диск улоқтиришСофия Бурхонова — ядро улоқтиришНозима Қаюмова — найза улоқтиришХусниддин Норбеков — ядро улоқтиришЎзбекистонлик спортчилардан Александр Свечников ва Дониёр Солиев рекорд ўрнатишга ҳам муваффақ бўлди.
Солиев узунликка сакрашда 7,18 метр натижа билан Осиё рекордини янгилаб берди. 2015 йилги ЖЧда хитойлик спортчи 7,07 метр билан рекорд қўйганди.
Александр Свечников эса найза отишда 71,01 метр натижа қайд этиб, жаҳон рекордини ўрнатди, деб хабар берди Миллий паралимпия қўмитаси матбуот хизмати.
Лондон—2017 да 1050 спортчи 213 та медаль учун кураш олиб борди.