Дунё ҳамжамияти Венесуэла мухолифати ўтказган халқ референдуми натижаларини тан олиши лозим. Овоз бериш жараёнида хорижий кузатувчилар сифатида иштирок этган Колумбия, Боливия ва Коста-Рика собиқ президентлари 16 июль, якшанба кунги матбуот анжуманида шунга даъват этди, дея хабар беради «ТАСС».
«Дунё давлатлари раҳбарлари Венесуэла халқи ўз иродасини намоён этганига бефарқ бўлмаслиги керак. Биз бу референдумни қонуний деб тан оламиз», — деди Коста-Рика собиқ президенти Лаура Чинчиля.
Боливия собиқ президенти Хорхе Кирога Рим папаси Франциск референдум мавзусида ўз фикрини «аниқ-тиниқ айтиши»га умид билдирди.
Референдумга президент Николас Мадуро томонидан таклиф этилган Конституциявий ассамблея чақирилишига муносабат, сайловлар ўтказилиши ҳамда янги миллий бирдамлик ҳукумати шакллантирилиши билан боғлиқ масалалар қўйилган.
Референдум ташкилотчилари овоз бериш натижалари яқин соатларда эълон этилишини ваъда қилмоқда. Ҳозиргача овозларнинг 60 фоиздан ортиғи ўрганиб чиқилди.
Изоҳ (0)