Самарқанд вилоят ҳокимлигида Ўзбекистон ёшлар иттифоқи вилоят Кенгашининг кенгайтирилган йиғилиши бўлиб ўтди. Бу ҳақда вилоят ҳокимлиги матбуот хизмати хабар бермоқда.
Вилоят ҳокими вазифасини бажарувчи Туробжон Жўраев вилоят Кенгаши уюшмаган ёшларнинг ичига кириши, уларнинг муаммолари, қийнаб келаётган масалаларини таҳлил қилиб, ҳаётда ўз ўрнини топишларида амалий ёрдам кўрсатиш дастурини ишлаб чиқиш зарурлигини таъкидлади.
Шунингдек, тарбияси оғир, жиноятга мойил ёшларни аниқлаб, улар билан алоҳида иш олиб боришни ташкил қилиш, ёшлар ўртасида соғлом турмуш тарзи, оила муқаддаслиги ғояларини кенг тарғиб қилиш, эрта турмуш қуриш ва ёш оилалар ажралишининг олдини олишга қаратилган самарали тадбирларни амалга ошириш масалаларига тўхталди.
Тадбирда ташкилий масала кўрилди. Рустам Қобилов Ўзбекистон ёшлар иттифоқи вилоят Кенгашининг раиси этиб сайланди.
Кенгайтирилган йиғилишда Ўзбекистон ёшлар иттифоқи марказий Кенгаши раисининг биринчи ўринбосари О. Таджиев иштирок этди ва сўзга чиқди.
Изоҳ (0)