Ўзбекистон Ташқи ишлар вазирлиги 13 июль куни Санкт-Петербургдаги омборхонада юз берган ва етти кишининг ўлимига сабаб бўлган ёнғин юзасидан расмий ахборот берди.
ОАВ хабарларига кўра, 2017 йилнинг 13 июль тонгида Санкт-Петербург таркибига кирувчи Колпино шаҳридаги металл ангарида умумий майдони 600 квадрат метрга тенг бўлган ёнғин содир бўлди.Ёнғин қолдиқларини ажратиш пайтида ўт ўчирувчилар томонидан Ўзбекистон фуқаролари деб тахмин қилинаётган 7 та жасад топилган.
Айни пайтда маҳаллий ҳукумат томонидан тергов тадбирлари олиб борилмоқда.
Ташқи ишлар вазирлиги топшириғига биноан, воқеанинг бутун тафсилотларини ва ҳалок бўлганларнинг шахсини аниқлаш жараёнида иштирок этиш учун, Ўзбекистоннинг Россиядаги элчихонаси вакиллари Москва шаҳридан Санкт-Петербург шаҳрига учиб кетди.
Изоҳ (0)