«Тахтлар ўйини» муаллифлари папарацциларни адаштириш учун ёлғон саҳналар суратга туширгани аниқланди

«Тахтлар ўйини» телесериали муаллифлари папарацциларни адаштириш учун ёлғон саҳналар суратга туширган. Бу ҳақда сериал юлдузи, Жон Сноу образини ижро этган актёр Кит Харингтон Jimmy Kimmel Live кўрсатувида айтиб ўтди, деб хабар беради «Газета.ru».

Артист еттинчи мавсумнинг сюжетига оид тафсилотларни ошкор этишдан бош тортди ва саккизинчи мавсумда иштирок этиш-этмаслиги ҳақидаги саволни очиқ қолдирди.

«Бу мавсум ҳақида нима дейишим мумкин? Ҳаммаёқда орқамиздан папараццилар юрди, ва биз айрим сохта саҳналарни суратга олдик», – деди Харингтон.

Актёрнинг сўзларига қараганда, унинг ўзи учта мана шундай саҳнада суратга тушган. Ҳар бир сохта саҳнани яратишга съёмка гуруҳи беш соат атрофида вақт сарфлаган.