Қирғизистоннинг Ўш шаҳрида Ўзбекистон бюджети ҳисобидан бунёд этиладиган 630 ўринли янги замонавий мактаб қурилишига тайёргарлик ишлари бошланди.
KNews’нинг хабар беришича, 1936 йилда қурилган 18-мактаб-гимназия ўрнида қад ростлайдиган мактаб Ўзбекистоннинг «Трест-12» қурилиш компанияси томонидан барпо этилади.
Ўш мерияси шаҳарнинг марказий кўчаларидан бирида мактаб қурилиши учун 1,11 гектар ер майдони ажратган.
Лойиҳа ҳужжатларига кўра, уч қаватли мактабда спорт ва мажлислар заллари, меҳнат хонаси, тиббий шохобча, ошхона, енгил спорт мажмуаси, лабораториялар ва бошқа кўплаб иншоотлар бўлади.
Изоҳ (0)