Тошкентнинг Дўмбиробод қабристонида академиклар Михаил Массон ва Галина Пугаченковаларга ёдгорлик ўрнатилди. Бу ҳақда «Олтин мерос» халқаро хайрия фонди маълум қилди, дея хабар беради «Газета.uz».
Фонднинг Тошкент вилояти бошқармаси олимлар қабри устида ёдгорлик яратишга апрель ойида киришганди. Фонднинг бош меъмори Муҳаммад Фозилий лойиҳа муаллифи бўлди.
Гранит ва мармардан ишланган монументни яратиш учун «Олтин мерос» 30 миллион сўм хайрия тўплади.
Археолог ва тарихчи-шарқшунос Михаил Массон (1897−1986) Термиз, Нисо ва Марвадаги қазишма ишларига раҳбарлик қилган, Самарқанд, Бухоро, Тошкент ва бошқа шаҳарлар тарихини тадқиқ қилганди.
Археолог ва санъатшунос Галина Пугаченкова (1915−2007) ўтган асрнинг 40 йилларидан бошлаб Ўзбекистон, Туркманистон ва Афғонистондаги археологик қазишмаларда иштирок этган, китобларида эса Парфия ва Бақтрия, Далварзинтепа ва Кампиртепа меъморий иншоотларига кенг ўрин берилганди.
Изоҳ (0)