Франциянинг Гар департаментида яшовчи ишсиз фуқаро лотереяда миллион евродан ошиқроқ ютуққа эга бўлди. Бу ҳақда «Корреспондент.net» хабар берди.
40 ёшлар атрофидаги эркак тамаки дўконида харид қилинган My Мillion лотереясида атиги 5 еврога тиккан ва унинг ютуғи 4 евродан иборат эканлигига ишончи комил эди. Унинг аслида қанчалик омади чопганини сотувчи маълум қилди.
«У нега исмининг ёнида ‘жекпот’ деб ёзилганини сўраш учун олдимга келганида ютуқ чиққанини айтдим. Ўзим уни олиш учун Парижга боришида ҳамроҳлик қилдим», — деди дўкон эгаси Стефан Лорка.
Бир ҳафта давом этган барча текширувлардан эркакка чек тақдим этилди. Унинг исми-шарифи ва ютуқни нимага сарфлаш ниятида эканлиги маълум қилинмади.
Изоҳ (0)