Ҳар бир делегация музокаралар столи атрофида ким ўтиришини ўзи ҳал этади. Германия канцлери Ангела Меркель Гамбургдаги G20 саммити расмий учрашувларида Иванка Трамп иштирок этганига шундай изоҳ берди. Бу ҳақда «MK.ru» хабар бермоқда.
«Иванка Трамп АҚШ делегацияси аъзоси ҳисобланади ва бундай ҳаракатлар бошқа делегацияларда ҳам қўлланади. Биз у Оқ Уйда ишлаши ва маълум бир ташаббуслар учун жавоб беришини биламиз», — таъкидлади Ангела Меркель.
АҚШ президентининг 35 ёшли қизи ва маслаҳатчиси Гамбургдаги G20 саммитининг айрим тадбирлари, жумладан, иқлим бўйича учрашувда отасининг ўрнига иштирок этди. У Дональд Трамп икки томонлама учрашувлар ўтказаётганида унинг йўқлигини билдирмай тургани айтилмоқда.
Изоҳ (0)