Грецияда америкалик сайёҳ ўлдирилди. Бу ҳақда, маҳаллий полицияга таяниб, ABC News маълум қилди, деб хабар беради «Интерфакс».
Қотиллик 7 июль, жума куни Ионика денгизидаги Закинф оролида рўй берди. Аризона университетининг 22 ёшли битирувчиси Бакари Хендерсон муштлашув қурбони бўлди.
Закинф мэри Павлос Колокостасга кўра, барда ўта маст ҳолатда бўлган икки гуруҳ ўртасида жанжал келиб чиққан ва муштлашувга айланиб кетган.
Ҳодисага алоқадор саккиз киши — олти нафар сербиялик сайёҳ, келиб чиқиши серб миллатига мансуб Британия фуқароси ва барда ишлаган грек қўлга олинди.
8 июль, шанба куни улар устидан суд бошланди.
Изоҳ (0)