Тошкент шаҳрида 7 июль куни кундузи ҳаво ҳарорати +42,2 даражагача кўтарилди. «Ўзгидромет»нинг қайд этишича, пойтахт тарихидаги энг жазирама 7 июль 1912 йилда кузатилган бўлиб, ўшанда ҳаво ҳарорати +42,6 даражагача кўтарилган.
Шу куни Қорақалпоғистон маркази Нукус шаҳрида ҳаво ҳарорати +38,3 даражагача (рекорд — 1975 йил; +42,6 даража иссиқ), Самарқанд шаҳрида +39,0 даражагача (рекорд — 1998 йил; +40,5 даража иссиқ), Термиз шаҳрида +43,9 даражадагача (рекорд — 1998 йил; +45,1 даража иссиқ) кўтарилди.
«1news.uz»нинг ёзишича, Тошкент тарихидаги энг жазирама кун 1997 йил 18 июлида қайд этилган — ўшанда шаҳарда ҳаво ҳарорати +44,6 даражагача кўтарилган.
Маълумот учун, Ўзбекистондаги иссиқ ва қуруқ об-ҳаво шароити 11 июлгача сақланиб қолиши кутилмоқда. 11—12 июль кунлари мамлакат бўйлаб ҳаво ҳарорати пасайиши мумкин.
Изоҳ (0)