Хитойнинг Шанси провинциясида панда шаклида қуёш электростанцияси қурилди. Бу ҳақда Inhabitat’га таяниб, «Корреспондент.net» хабар берди.
50 мегаватт қувватга эга электростанцияни Panda Green Energy компанияси БМТнинг тараққиёт дастури кўмагида очди.Панда шаклининг қора қисмлари қуш парвози баландлигидан кўзга яхши ташланади. Улар кристалл кремнийнинг пластинларидан иборат, кулранг ва оқ қисмлари эса юпқа плёнкали қуёш пластинларидан ишланган. Қуёш электростанциясининг тўлиқ лойиҳавий қуввати 100 мегаваттга тенг.
Шунингдек, станцияда ёшлар ва макаб ўқувчиларини қайта тикланувчи энергия манбалари масалаларига ўргатувчи марказ очиш ҳам режалаштирилмоқда.
Маълум қилинишича, Panda Green Energy яна бир нечта шу каби электростанцияларни очишни ва ишлаб чиқариш ҳажмини соатига 3,2 миллард киловаттга чиқаришни режа қилмоқда. Бу миллиард тоннадан ортиқ кўмирни тежаб қолиш имконини беради ва атмосферага 2,74 миллион тоннадан ортиқ карбонат ангидриднинг чиқиб кетишини олдини олади.