Россиянинг БМТдаги доимий вакили ўринбосари Владимир Сафронков Шимолий Кореяга нисбатан куч ишлатишдан тийилишга чақирди. Бу ҳақда «Ведомости» хабар бермоқда.
«Корея ярим ороли муаммоларини ҳал этиш учун ҳарбий чоралар кўрилиши эҳтимоли истисно этилиши лозим», — деди Сафронков БМТ Хавфсизлик кенгаши шошилинч йиғилишидаги чиқишида.
Дипломат КХДР томонидан 4 июль куни баллистик ракета учирилиши билан боғлиқ вазият аниқлик киритилишини талаб этишини таъкидлади.
Владимир Сафронковга кўра, Россия мудофаа вазирлигининг кузатув тизимларидан олинган маълумотлар КХДР қурилмаси парвози параметрлари ўрта масофага учувчи баллистик ракета тактик-техник хусусиятларига тўғри келаётганини кўрсатмоқда. АҚШ эса гап қитъалараро баллистик ракета ҳақида кетаётган деб ҳисобламоқда.
Эслатиб ўтамиз, олдинроқ АҚШнинг БМТдаги доимий вакили Никки Хейли Вашингтон Шимолий Кореяга босим ўтказиш учун ҳарбий кучдан фойдаланишга ҳам тайёрлигини билдирганди.
Изоҳ (0)