«Сувсоз» давлат унитар корхонасини Тошкент шаҳрида 21 июлдан бошлаб совуқ сув тарифлари ошиши ҳақида маълум қилди. Янги нархлар пойтахт ҳокимияти томонидан 4 июль куни тасдиқланди, деб хабар берди «Газета.uz».
Аҳоли истеъмол қиладиган сувнинг 1 кубометри 180 дан 190 сўмга (1,5 коэффициент бўйича — 270 сўмдан 285 сўмга), канализация хизмати эса 115 сўмдан 155 сўмга ошди.
Марказлашган иссиқ сув таъминоти тизимига эга кўп қаватли хонадонлар учун янги тариф (иссиқ сув ҳисоблагичи мавжуд бўлмаган ҳолатларда) 1 кубометр учун 500 сўм (ҳозир 410 сўм), иссиқ сув таъминоти марказлашмаган хонадонлар учун 345 сўм (ҳозир 295 сўм) деб белгиланди.
Хусусий уйларда эса канализация хизматини қўшганда ҳар бир кубометр учун 345 сўмни (ҳозир 295 сўм), канализациясиз 190 сўмни (ҳозир 180 сўм) ташкил қилади.
Изоҳ (0)