Халқаро пресс-клубнинг 3 июлда бўлиб ўтган сессияси доирасида ўз фикрини билдирган Murad Buildings компанияси раҳбари Мурод Назаров «қанча иш ўрни яратасиз?», деган савол унинг учун кулгили эканлигини айтиб ўтди. Бунинг сабаби сифатида иш ўрни яратгандан кўра мавжуд ходимларнинг иш самарадорлигини ошириш кераклигини қайд этди.
Баъзан бизга ҳокимиятдан телефон қилиб, қанча иш жойи яратасиз, деб сўрашади. Тўгрисини айтаман, мен бу саволга куламан. Мен қанчадир иш ўрни яратиш керак, деб ўйламайман. Биз ҳар бир ходим устида ишлашимиз керак. Ишлаётган ходимлар кўпроқ қўшимча қиймат яратиш ҳисобига олаётган даромадини ошириши керак. Бир киши бир неча юз ва минг кишини ўрнини боса оладиган бўлганидан кейин бошқасини олганимиз маъқул. Кўп одамни ишлатишнинг нима кераги бор?Компаниямизда ишлайдиган ходимлар сони 100 тадан ошмайди. Лекин корхонамиз бошқа пудратчиларни ишлатиши ҳисобига уч мингга яқин киши ишга жалб қилинади.
Яқинда бир давлат корхонасига бордик. Корхонага 50 миллион доллар тикилган. Биз шу корхонанинг янгисини ташкил қилиш мақсадида чет эллик ҳамкорлар билан ҳисоб-китоб қилиб чиққанмиз. Бу корхонанинг йиллик даромадини ҳисоблаб кўрсак, беш миллион долларга бормаяпти. Биз ташкил қилмоқчи бўлган корхонада эса бир йиллик даромад 18—20 миллион доллар бўлиши керак.
Даромаднинг нима учун бундай камлигини сўрасак, ишчилар сонининг жуда кўплиги айтилди, ҳокимият топшириғи асосида иш билан таъминлаш учун 2000 киши ишга олинган, бироқ корхонадаги ишни 150 киши бажара олади. Менимча, иш ўринлари яратишдан кўра, уларнинг самарадорлигини оширсак, иқтисодиёт ривожланади ва ҳаммаси ўз ўрнига тушади.
Мурод Назаров, Murad Buildings компанияси раҳбари
Изоҳ (0)