Президент Шавкат Мирзиёев 30 июнь куни нефть ва газ саноатининг бошқарув тизимини ривожлантириш борасидаги қарорга имзо чекди. Бу ҳақда «Prezident.uz» сайтига таяниб, «Газета.uz» хабар берди.
Ҳужжатга кўра, «Ўзбекнефтгаз» МХК, «Ўзнефтгазқазиболиш» АК, «Ўзтрансгаз» АК, «Ўзнефтмаҳсулот» АК ҳамда «Ўзнефтгазмаш» номлари акциядорлик жамияти номига ўзгартирилди. «Ўзгеобурнефтгаз»нинг номи эса «Ўзбурнефтгаз» АЖга ўзгартирилди.
«Ўзбекнефтгаз» таркибида замонавий ва сифатли геология-қидирув ишларини хизмат кўрсатиш ташкилотларини жалб қилган ҳолда амалга оширувчи, углеводород хом ашё заҳирасининг ортишини таъминлаш ва янги конларини очиш, уларни қайта ишлаш ва тайёрлаш учун «Ўзнефтгазқазиболиш» ташкилотларига тақдим этувчи «Ўзнефтгазгеология» МЧЖ ташкил этилади.
«Ўзнефтгазқурилишинвест» акциядорлик компаниясининг фаолияти тўхтатилди. «Ўзгазинжиниринг» МЧЖ номи «Нефтьгазқурилиш» МЧЖга ўзгартирилиб, унинг зиммасига «Ўзбекнефтгаз» ва унинг акциядорлар жамияти таркибига кирувчи қурилиш-монтаж ташкилотларининг фаолиятини мувофиқлаштириш вазифаси қўйилди.
Бундан ташқари, «Ўзбекнефтгаз» таркибида «Ўзбекнефтгаз» ва унинг акциядорлик жамиятлари таркибига кирувчи ташкилотлар томонидан маҳсулотларини экспорт қилишга ихтисослашган »Нефтьгазекспорт» МЧЖ ташкил этилади.
Изоҳ (0)