Миробод туманида Мирмуҳаммадохун Азизов ўтган йил ноябрь ойидан 2017 йил апрель ойигача бўлган вақт оралиғида Италиядан парфюмерия буюмларини келтириб беришини ваъда қилиб, Ғайрат Давроновнинг 25 минг АҚШ доллари ҳамда 450 миллион сўм миқдоридаги пулларини алдов йўли билан қўлга киритди. Бу ҳақда Тошкент шаҳар ИИББ матбуот маркази маълум қилди.
Мазкур ҳолат юзасидан Миробод тумани ИИБ ҳузуридаги Тергов бўлими томонидан Ўзбекистон Республикаси ЖКнинг 168-моддаси 4-қисми «а» банди (фирибгарлик, яъни ўзганинг жуда кўп миқдордаги мулкини алдаш ва ишончни суиистеъмол қилиш йўли билан қўлга киритиш) аломатлари билан жиноят иши қўзғатилди.
Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
Изоҳ (0)