Ёзнинг иссиқ кунида очиқ ҳавода юриш сизни қийнайдими? «Анҳор — Локомотив» сизга усти ёпиқ кўнгилочар манежини таклиф қилади. Сиз бунда ташқарига чиқмай туриб ҳам парк аттракционларидан фойдаланишингиз ва кўнгилочар ўйинларда иштирок этишингиз мумкин.
Қуёш уфққа бош қўйишни бошлаганида эса паркнинг очиқ қисмидаги аттракционлар сизни қарши олади. Кўп сонли ташриф буюрувчиларнинг истакларини инобатга олган «Анҳор — Локомотив» келаси йил паркка туташ ҳудудда аквапарк қуришни ҳам режалаштириб қўйди. Танлов сизнинг қўлингизда, истанг табиат қўйнида дам олинг, истанг қуёш нурларидан чекиниб ҳам дам олишни давом эттиринг, хоҳланг муздек сувдан роҳат олинг!
16 июнь, жума куни Тошкетдаги «Анҳор — Локомотив» истироҳат боғи ёз мавсумига ўтиши муносабати билан журналистлар ва уларнинг оилалари учун очиқ эшиклар кунини ўтказди. 2016 йилнинг августидан фаолиятини бошлаган «Анҳор-Локомотив» истироҳат боғи ўзининг илк ёз мавсумини ўтказмоқда. Бунда 13 та янги аттракцион ташриф буюрувчилар ҳукмига ҳавола қилинган. Энди боғ ҳудудидаги аттракционларнинг сони 35 тага етди.
Агар кейинги ёз мавсумидан бошлаб Аквапарк иша тушса, сиз боғ ҳудудидан четга чиқмай туриб, унинг ўзидан барча кўнгилочар турларни топишингиз мумкин бўлади. Жорий йилнинг 1 майидан ҳунармандлар аллеяси ҳам иш бошлагани яна бир янгилик ўрнида бўлса ажаб эмас. Бу ерда болаларга маҳорат дарслари ўтилади.
Таваллуд айёмини «Анҳор-Локомотив»да нишонлашни истаганлар учун ажойиб имконият туҳфа этилади. Бунинг учун туғилган кун эгаси шахсий паспорти билан боғ маъмуриятига мурожаат қилиши керак, холос. Боғ маъмурияти қувончли кун эгасини ўз совғалари билан хурсанд этишга тайёр!
Боғ ҳудудидаги Ўзбекистоннинг меъморий обидалари ва иншоотлари: Минораи Калон, Калта Минор, Шердор мадрасаси, Тошкент куранти ва телеминораси, Темурийлар тарихи давлат музейи каби биноларнинг макетлари яратилгани ташриф буюрувчиларга ўзгача кайфият туҳфа этади. Мазкур макетлар олдидаги фоторсуратлар ижтимоий тармоқларда кенг муҳокама этилаётгани ҳам унга бўлган қизиқишни ошириши мумкин.
«Анҳор — Локомотив» истироҳат боғи фасл танламайди, унда қишин-ёзин ҳордиқ чиқариш имконияти мавжуд. Боғ ҳудудидаги 3-қаватли ёпиқ биносида дам олиш учун барча шароитлар тахт этилган. Бинонинг биринчи қаватида «Қўрқув хонаси», компьютерда машҳур ўйинларини реал ҳаётда ўйнаш имконини берувчи Enter маркази, республикада энг катта ҳисобланган картодром жойлашган. Картадром Германиядан келтирилган замонавий карт автоуловлари билан таъминланган. Картадром жойлашган ҳудуднинг ўзида овқатланиш учун ҳам барча шароитлар яратилган.
Бинонинг иккинчи қаватидаги Virtual Planet марказида виртуал ва интерактив ўйинлар, Funasia болалар майдончаси, 5 ёшдан катта ва ўсмир болалар учун Game Zone ҳам ўрин олган.
Учинчи қаватда киносевар мухлислар учун Drive Cinema кинотеатри ўрин олган бўлиб, унда жаҳон кинематографияси ва анимациясининг энг сўнгги маҳсулотларини томоша қилиш учун барча шароитлар муҳайё қилинган.
Боғ ҳудудида, шунингдек, юмшоқ аттракционлар, «Арқонлар шаҳарчаси», Skalodrom, мусиқали фаввораларга дуч келиш мумкин. Сунъий сув ҳавзасида катамаран, Оққуш ва ретро-машина шаклидаги электр қайиқларда сайр қилиш имконияти ҳам яратилган. «Осмонўпар», «7D лифт», 5D аттракционлари баландликдан қўрқмайдиган инсонларни ўз бағрига чорлаб, уларга олам-олам шавқ улашмоқда.
Истироҳат боғининг ўзига жалб қиладиган жиҳатларидан яна бири 320 ўринга мўлжалланган ёзги амфитеатрдир. Амфитеатрда турли маданий тадбирлар, концертлар ва шоулар ташкил этилмоқда. Ҳафтанинг дам олиш кунларида аниматорлар шоуси, болалар ансамблларининг чиқишлари боғ меҳмонларига тақдим этилмоқда. Энг асосийси, бу тадбир, концерт ва шоуларининг барчаси боғ меҳмонлари учун БЕПУЛ! Шунингек, боғ маъмурияти ҳудудда бир қанча хайрия тадбирлари ҳам ўтказиб келмоқда. Меҳрибонлик уйлари, кам таъминлаган оилалар учун истироҳат боғида бепул дам олиш имконияти ҳам тақдим этиб келинмоқда.
Юз марта эшитгандан, бир марта кўрган афзал. «Анҳор — Локомотив» паркига ташриф буюринг ва барча қулайликлардан ўзингиз воқиф бўлинг!
Реклама ҳуқуқи асосида
Изоҳ (0)