Yozning issiq kunida ochiq havoda yurish sizni qiynaydimi? “Anhor — Lokomotiv” sizga usti yopiq ko‘ngilochar manejini taklif qiladi. Siz bunda tashqariga chiqmay turib ham park attraksionlaridan foydalanishingiz va ko‘ngilochar o‘yinlarda ishtirok etishingiz mumkin.
Quyosh ufqqa bosh qo‘yishni boshlaganida esa parkning ochiq qismidagi attraksionlar sizni qarshi oladi. Ko‘p sonli tashrif buyuruvchilarning istaklarini inobatga olgan “Anhor — Lokomotiv” kelasi yil parkka tutash hududda akvapark qurishni ham rejalashtirib qo‘ydi. Tanlov sizning qo‘lingizda, istang tabiat qo‘ynida dam oling, istang quyosh nurlaridan chekinib ham dam olishni davom ettiring, xohlang muzdek suvdan rohat oling!
16-iyun, juma kuni Toshketdagi “Anhor — Lokomotiv” istirohat bog‘i yoz mavsumiga o‘tishi munosabati bilan jurnalistlar va ularning oilalari uchun ochiq eshiklar kunini o‘tkazdi. 2016-yilning avgustidan faoliyatini boshlagan “Anhor-Lokomotiv” istirohat bog‘i o‘zining ilk yoz mavsumini o‘tkazmoqda. Bunda 13 ta yangi attraksion tashrif buyuruvchilar hukmiga havola qilingan. Endi bog‘ hududidagi attraksionlarning soni 35 taga yetdi.
Agar keyingi yoz mavsumidan boshlab Akvapark isha tushsa, siz bog‘ hududidan chetga chiqmay turib, uning o‘zidan barcha ko‘ngilochar turlarni topishingiz mumkin bo‘ladi. Joriy yilning 1-mayidan hunarmandlar alleyasi ham ish boshlagani yana bir yangilik o‘rnida bo‘lsa ajab emas. Bu yerda bolalarga mahorat darslari o‘tiladi.
Tavallud ayyomini “Anhor-Lokomotiv”da nishonlashni istaganlar uchun ajoyib imkoniyat tuhfa etiladi. Buning uchun tug‘ilgan kun egasi shaxsiy pasporti bilan bog‘ ma’muriyatiga murojaat qilishi kerak, xolos. Bog‘ ma’muriyati quvonchli kun egasini o‘z sovg‘alari bilan xursand etishga tayyor!
Bog‘ hududidagi O‘zbekistonning me’moriy obidalari va inshootlari: Minorai Kalon, Kalta Minor, Sherdor madrasasi, Toshkent kuranti va teleminorasi, Temuriylar tarixi davlat muzeyi kabi binolarning maketlari yaratilgani tashrif buyuruvchilarga o‘zgacha kayfiyat tuhfa etadi. Mazkur maketlar oldidagi fotorsuratlar ijtimoiy tarmoqlarda keng muhokama etilayotgani ham unga bo‘lgan qiziqishni oshirishi mumkin.
“Anhor — Lokomotiv” istirohat bog‘i fasl tanlamaydi, unda qishin-yozin hordiq chiqarish imkoniyati mavjud. Bog‘ hududidagi 3-qavatli yopiq binosida dam olish uchun barcha sharoitlar taxt etilgan. Binoning birinchi qavatida “Qo‘rquv xonasi”, kompyuterda mashhur o‘yinlarini real hayotda o‘ynash imkonini beruvchi Enter markazi, respublikada eng katta hisoblangan kartodrom joylashgan. Kartadrom Germaniyadan keltirilgan zamonaviy kart avtoulovlari bilan ta’minlangan. Kartadrom joylashgan hududning o‘zida ovqatlanish uchun ham barcha sharoitlar yaratilgan.
Binoning ikkinchi qavatidagi Virtual Planet markazida virtual va interaktiv o‘yinlar, Funasia bolalar maydonchasi, 5 yoshdan katta va o‘smir bolalar uchun Game Zone ham o‘rin olgan.
Uchinchi qavatda kinosevar muxlislar uchun Drive Cinema kinoteatri o‘rin olgan bo‘lib, unda jahon kinematografiyasi va animatsiyasining eng so‘nggi mahsulotlarini tomosha qilish uchun barcha sharoitlar muhayyo qilingan.
Bog‘ hududida, shuningdek, yumshoq attraksionlar, “Arqonlar shaharchasi”, Skalodrom, musiqali favvoralarga duch kelish mumkin. Sun’iy suv havzasida katamaran, Oqqush va retro-mashina shaklidagi elektr qayiqlarda sayr qilish imkoniyati ham yaratilgan. “Osmono‘par”, “7D lift”, 5D attraksionlari balandlikdan qo‘rqmaydigan insonlarni o‘z bag‘riga chorlab, ularga olam-olam shavq ulashmoqda.
Istirohat bog‘ining o‘ziga jalb qiladigan jihatlaridan yana biri 320 o‘ringa mo‘ljallangan yozgi amfiteatrdir. Amfiteatrda turli madaniy tadbirlar, konsertlar va shoular tashkil etilmoqda. Haftaning dam olish kunlarida animatorlar shousi, bolalar ansambllarining chiqishlari bog‘ mehmonlariga taqdim etilmoqda. Eng asosiysi, bu tadbir, konsert va shoularining barchasi bog‘ mehmonlari uchun BEPUL! Shuningek, bog‘ ma’muriyati hududda bir qancha xayriya tadbirlari ham o‘tkazib kelmoqda. Mehribonlik uylari, kam ta’minlagan oilalar uchun istirohat bog‘ida bepul dam olish imkoniyati ham taqdim etib kelinmoqda.
Yuz marta eshitgandan, bir marta ko‘rgan afzal. “Anhor — Lokomotiv” parkiga tashrif buyuring va barcha qulayliklardan o‘zingiz voqif bo‘ling!
Reklama huquqi asosida
Izoh (0)