Биз мақолада ҳақиқатда томоша қилишга арзийдиган фильмни қидириб топиш имконини берувчи кинорейтинглар рўйхатларини тақдим этадиган сервисларни келтириб ўтамиз.
Rotten Tomatoes
Фильмларга шарҳлар, тавсия этиладиган фильмлар рўйхати ва кинематографнинг сўнгги янгиликларидан иборат оммабоп сайт.Фильм ёки телешоу рейтинги кинотанқидчилар ёки ёзувчилар гильдиялари мутахассисларининг тақризлари асосида шаклланади.
A Good Movie to Watch
Ҳар қандай дид учун мос келадиган фильмлар рўйхатларидан иборат жуда содда сайт.Бу ерда муҳарррирлар томонидан тузилган тайёр рўйхатларни топиш мумкин, шунингдек, жанр бўйича ёки кайфиятга қараб мустақил тарзда фильм танлаш мумкин. Агар ҳеч нарсани танлашни истамасангиз, шунчаки махсус тугмани босиб, тасодифга таянишингиз мумкин.
What Movie Should I Watch Tonight
Фильмлар бўйича тавсиялардан иборат ёқимтой онлайн-платформа.«Коллекция» бўлимида ҳаётдаги ҳар қандай вазиятлар учун сайланмалар жам бўлган, булар «Қора комедиялар»дан тортиб, «Замонавий оқ-қора фильмлар»гача. «Кайфият» бўлимида эса ҳозирги кайфиятингизга қараб нимадир танлаб олишингиз мумкин.
Фильмларни танлаш билан сайт куратори Кевин Яун шуғулланади.
Metacritic
Китоблар, фильмлар, мусиқа, ўйинлар ва сериаллар ҳақидаги кўплаб фикрлар ва шарҳларни ўз ичига олган аггрегатор сайт.Бу ерда Hulu, Amazon ва Netflix’нинг энг яхши телешоулари рўйхатини, шунингдек, сўнгги 90 кун, бир йил ёки бутун сайт умри давомидаги фильмлар ва сериаллар рейтингларини топиш мумкин.
Баҳолар профессионал нашрлар ва оддий фойдаланувчилар шарҳлари асосида шаклланади.
TasteDive
Ўхшаш фильмларни маслаҳат берувчи сервис. Кинолента номини киритиш ва тугмани босиш керак. Махсус алгоритм турли мезонларга асосланиб, бир лаҳзада бир неча ўхшаш фильмларни танлаб беради.Манба: «Лайфхакер»
Изоҳ (0)