Икки абитуриентни Тошкент тиббиёт академияси ва Тошкент давлат иқтисодиёт университетига ўқишга киритиш учун жами 47 минг доллар сўраган икки фирибгар аёл қўлга тушди. Бу ҳақда UzNews хабар бермоқда.
Маълум бўлишича, гумонланувчилар икки аёлнинг ишончига кириб, ҳукуматда таниши борлиги ва у маълум бир ҳақ эвазига ўқишга киришда ёрдам бера олишини маълум қилган.
Улар Тошкент тиббиёт академиясининг Стоматология факультетига 32 минг доллар эвазига, Тошкент давлат иқтисодиёт университетига эса 15 минг доллар эвазига ўқишга киритиб қўйишни таклиф қилган.
«Фирибгарлар Маннон Уйғур кўчасидаги ‘Миллий таомлар’ кафесида ваъда қилинган 47 минг АҚШ долларидан 32 мингини олганликлари ҳақида тилхат ёзиб бераётган вақтида Департамент ва Миллий хавфсизлик хизмати ходимлари томонидан қўлга олинди», — дейилади UzNews хабарида.
Ушбу ҳолат бўйича жиноят иши қўзғатилиб, Бош Прокуратура томонидан тергов ишлари олиб борилмоқда, гумонланувчиларга қамоқ эҳтиёт чораси қўлланилган. Қайд этишларича, қамоққа олинганлардан бири муқаддам судланган.
Изоҳ (0)