Variety журнали Владимир Путин ҳақида фильм суратга олган режиссёр Оливер Стоун Россия президентига нима совға қилганидан хабар топди, деб ёзади Afisha Daily.
Суратга олиш жараёнида режиссёр Путинга Стэнли Кубрикнинг «Доктор Стрейнжлав, ёки қандай қилиб мен хавотирланмасликни ўргандим ва атом бомбасини севиб қолдим?» картинасини кўришни таклиф қилди. Томошадан сўнг Стоун президентга DVD-дискни топширди, Путин эса ўз ишхонасига йўл олди, аммо шу заҳоти қайтиб келиб, бўш қутини кўрсатди.
«Ғирт америкача совға», — деди Путин таржимон ёрдамида. Қути ичидаги нарса дисководда қолганга ўхшайди, деб таъкидлади нашр.
Оливер Стоун Путин билан катта интервьюни суратга олди, у тўрт қисмдан иборат. Эпизодлар 12 июндан 15 июнга қадар ҳар куни Showtime телеканали орқали намойиш этилади.
Изоҳ (0)