Ўзбекистон термасини мағлуб этган Сурия Япония билан дуранг ўйнади
Футбол бўйича Ўзбекистон миллий терма жамоасининг ЖЧ—2018 саралаш босқичидаги рақиби Сурия Японияга қарши ўртоқлик ўйинида дуранг қайд этди.
Беллашув 7 июнь куни Японияда бўлиб ўтди. Унинг 48-дақиқасида Мардик Мардикян сурияликларни олдинга олиб чиққан бўлса, орадан 10 дақиқа ўтиб Конно мувозанатни тиклашга муваффақ бўлди.
Мамлакатдаги беқарор вазиятга қарамай, Сурия футболчилари саралашда қитъанинг етакчи мамлакатларига жиддий қаршилик кўрсатмоқда. Бунга қадар улар Жанубий Корея ва Эрон термалари билан дуранг ўйнаган, Самвел Бабаян устозлик қилаётган Ўзбекистон термаси устидан зафар қучишга муваффақ бўлганди.
Сурия 7-турдан кейин 8 очко тўплаган бўлиб, учликда бораётган Ўзбекистондан 4 очко ортда қолмоқда. Олдинда сурияликлар Хито ва Қатар термаларини Малайзияда қабул қилади, сўнгги турни эса Эронда ўтказади. Бу вақтга келиб форслар катта эҳтимол билан ЖЧ йўлланмасини қўлга киритган бўлиши мумкин.
Халқаро ўртоқлик ўйини Токио, Япония 7 июнь, чоршанба
