Россиянинг Сочи шаҳрида машиналардан бирининг видеорегистратори юриб кетаётган автомобиль юкхонасидан қизалоқ тушиб қолганини қайд қилди. Воқеа акс этган видео YouTube’да эълон қилинди, деб хабар беради «РИА Новости».
Кадрлардан маълум бўлишича, бола йўлтанламасдан йўлнинг қатнов қисмига тушиб кетган. Сўнг у ўрнидан туриб йиғлаган, машина эса воқеа жойидан кетган. Ортдан келаётган машинадан эркак ва аёл чиқиб, қизга ёрдам берган.
Айтилишича, Volvo машинасини бошқариб кетаётган аёл юкхонада икки болани олиб кетаётган эди. Икки бола ҳам юкхонадан тушиб қолган. Видеога тушиб қолган уч яшар қизалоқ жароҳат олиб, тиббиёт муассасасига етказилди. Бошқа бола жароҳатланмади.
Болаларнинг онаси Сочи полицияси томонидан 3 минг рубль жаримага тортилди.
Изоҳ (0)