Венесуэлада норозилик намойишлари давомида ҳалок бўлганлар сони 63 кишини ташкил этди

Венесуэлада апрель ойидан бери тинмаётган норозилик намойишлари давомида ҳалок бўлганлар сони 63 кишини ташкил этмоқда. Бу ҳақда мамлакат бош прокурори Луиса Ортега Диас маълум қилди, деб хабар беради «ТАСС».

«Бу ўлимлардан 19 таси хавфсизлик кучлари ҳаракатлари билан боғлиқ. Салкам 1,2 минг киши жароҳат олди», — таъкидлади Луиса Ортега Диас.

Прокуратура намойишлар чоғида содир этилган турли ҳуқуқбузарликлар бўйича 3,4 минг жиноий иш қўзғалди.

Ҳозиргача расмийлар 420 дан ошиқ кишини қўлга олди. 40 киши, жумладан, 19 нафар ҳуқуқ-тартибот ходими қидирувга берилган.