Полиция Лондонда ҳужум уюштирган барча террорчилар йўқ қилинганини билдирди

Лондонда 4 июнь, якшанбага ўтар кечаси ҳужум уюштирган барча террорчилар йўқ қилинди. Бу ҳақда Британия пойтахти полицияси терроризмга қарши кураш бўлими бошлиғи Марк Роули маълум қилди, дея хабар беради «Интерфакс».

«Биз терактда уч киши иштирок этган деб ҳисоблаймиз. Полициячилар одамларга ҳужум уюштирилгани ҳақида хабар олинганидан сўнг терактнинг уч ижрочисини қувиб етиб, йўқ қилди», — деди Роули.

Шу билан бирга, Скотленд-Ярд вакилига кўра, «ҳужум қилганларнинг барча бартараф этилганига тўлиқ ишонч ҳосил қилиш учун туркум текширув тадбирлари ўтказишга тўғри келади».

Олдинроқ ОАВда беш нафар терорчи ҳақидаги хабарлар пайдо бўлганди.