Филиппин полицияси Resorts World Manila меҳмонхонасидаги отишмани 42 ёшли маҳаллий фуқаро Жесси Карлос Хавьер уюштирганини аниқлади. Бу ҳақда «ТАСС» хабар бермоқда.
Полиция вакилига кўра, Жесси Карлос Хавьер қимор ўйинлари ишқибози бўлган ва бунинг оқибатида катта қарзга ботган. Ҳуқуқ-тартибот идоралари ҳужум қилган шахс террорчи эмаслиги, балки казинони ўмармоқчи бўлганини билдирганди. Жумладан, у пулларга алмаштириш мумкин бўлган фишкаларни олиб кетган.
1 июнь куни кечки пайт қуролланган эркак меҳмонхона казиносига кириб, ўт очди ва бир неча столга ўт қўйди. Ҳодиса оқибатида 37 киши ҳалок бўлди, яна 54 киши жабрланди.
Олдинроқ бу отишма учун жавобгарликни ИШИД зиммасига олгани маълум қилинганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)