Нью-Йорк собиқ мери Майкл Блумбергнинг фонди иқлим бўйича Париж келишувини амалга ошириш учун 14 миллион доллар тақдим этишга тайёр. Ушбу сумма АҚШ мазкур дастурда қатнашган тақдирда тўлаши лозим бўлган бадалга тенг, дея хабар беради «РИА Новости».
«Биз Америка келишувдан чиқмаганда нимаики қилиши лозим бўлса, барчасини амалга оширишга тайёрмиз», — деди БМТнинг иқлим бўйича элчиси бўлган Блумберг.
Миллиардернинг айтишича, хусусий маблағларни қабул қилиш ҳақидаги илтимос билан халқаро ташкилотга америкалик фаоллар гуруҳи мурожаат этиш ниятида. Унга АҚШдаги 30 шаҳар мэри, 3 губернатори, 80 дан ортиқ университет ва 100 дан ошиқ компания раҳбарлари кирган. Гап, жумладан, Атланта ва Лос-Анжелес мэрлари ҳақида кетмоқда.
Эслатиб ўтамиз, АҚШ президенти Дональд Трамп 1 июнь, пайшанба куни унинг мамлакати Иқлим бўйича Париж келишувидан чиқишини эълон қилди.
Изоҳ (0)