Германияда машҳур Rock am Ring фестивали теракт хавфи сабаб тўхтатилди. Бу ҳақда мусиқий байрам ташкилотчилари маълум қилди, деб хабар берди «ТАСС».
Германия полицияси вазият билан танишиб чиққач, томошабинлар фестиваль ўтказилаётган ҳудудни тарк этиши ҳақида буйруқ берди.
87 минг нафардан ортиқ одам уч кунлик байрамга чипталар сотиб олган эди. Тўртта саҳнада умумий 85 та мусиқий жамоа, жумладан, die Toten Hosen, Rammastein, System Of A Down каби таниқли гуруҳлар чиқиш қилиши керак бўлган.
Кейинроқ, Германия ҳуқуқ-тартибот органлари вакиллари Rock am Ring фестивалига хизмат кўрсатувчи фирманинг икки нафар вакилини қўлга олди. Улар фестиваль ҳудудига шубҳали буюм олиб кирган, дея хабар қилди Welt нашри.
Изоҳ (0)