МДҲ мамлакатлари, шу жумладан, Ўзбекистон куч бўлинмалари жангариларнинг чегарани ёриб, Тожикистонга бостириб киришига қарши биргаликдаги ҳаракатларни машқ қилади, деб ёзади «ТАСС». Ҳарбий машғулотлар МДҲнинг «Душанбе-Антитеррор-2017» қўшма аксилтеррорчилик машқлари доирасида бўлиб ўтади.
Унинг якуний босқичи Тожикистон ҳудудида бўлиб ўтади, махсус хизматлар Республика телемарказидаги гаровга олинган кишиларни озод этиш ва шартли террорчиларни хавфсизлантириш бўйича аксилтеррорчилик операциясини, шунингдек, чегарани бузиб ўтган террорчилик гуруҳларини тўсиш ва йўқ қилиш бўйича қўшинлар операциясини ўтказади.
Ушбу ҳарбий ўқув машғулотлари МДҲ давлатларининг 2017—2019 йилларда терроризмга қарши курашда ҳамкорлик қилиш дастурига мувофиқ ўтказилмоқда. Уларда иштирок этиш учун Озарбайжон, Арманистон, Беларусь, Қозоғистон, Қирғизистон, Россия, Тожикистон ва Ўзбекистон делегациялари ҳам таклиф қилинган.
Изоҳ (0)