Мельбурн халқаро аэропорти вақтинчалик ёпиб қўйилди. Бортида фавқулодда вазият рўй берган лайнер аэропортга қайтиб келди, деб хабар беради «ТАСС».
Айтилишича, Malaysia Airlines авиакомпаниясига тегишли Airbus A330 лайнери Мельбурн – Куала-Лумпур рейсини амалга ошираётган пайтда парвоз бошланганидан бир неча дақиқа ўтиб қайтишга мажбур бўлди. Йўловчилардан бири учувчилар кабинасига киришга урингани бунга сабаб бўлди. Йўловчи бомба ҳақида огоҳлантирган, шунингдек, қўлида электрон ускуна борлигини маълум қилган.
Авиакомпания фавқулодда вазият ҳақидаги ахборотни тасдиқлади.
«Йўловчи учувчилар кабинасига киришга уринди, аммо бошқа йўловчилар томонидан тўхтатиб қолинди, борт Мельбурнга қайтди», — маълум қилди Malaysia Airlines вакиллари.