Шри-Ланкада кучли ёғингарчилик сабаб юз берган сув тошқинлари ва кўчкилар қурбонлари сони 202 нафаргача кўпайди, 96 киши бедарак йўқолган, деб тахмин қилинмоқда. Бу ҳақда «ТАСС» хабар бермоқда.
Шри-Ланка фавқулодда вазиятлар бошқармаси маълумотларига кўра, табиий офат бошланганидан бери 77 мингдан ортиқ киши ўз уйларини ташлаб чиқишга мажбур бўлган, 1,5 мингдан зиёд бино вайрон бўлган.
Шри-Ланка қуролли кучлари Ҳиндистон ҳарбий-денгиз кучлари кўмагида қидирув-қутқарув ишларини давом эттирмоқда. БМТ, Австралия, Япония ва Покистон мамлакатга гуманитар ёрдам кўрсатди, Хитой, Россия ва АҚШ эса ёрдамга тайёрлигини билдирган.
Изоҳ (0)