Eron konstitutsiyasi himoyachilari kengashi (uning vazifalari qatoriga saylovlarni kuzatish ham kiradi) Hasan Ruhoniy mamlakat prezidenti etib qayta saylanganini tasdiqladi. Bu haqda “RIA Novosti” xabar bermoqda.
Rasmiylar 19-may kuni Eronda bo‘lib o‘tgan saylovlarda amaldagi prezident Hasan Ruhoniy 57 foiz ovoz to‘plab, ikkinchi muddatga qayta saylanganini e’lon qildi.
Uning asosiy raqibi, sobiq bosh prokuror Ibrohim Raisiy saylovchilarning 38 foiz ovozini to‘pladi.
Mag‘lubiyatdan so‘ng Raisiy Eron konstitutsiyasi himoyachilari kengashiga maktub yo‘llab, ovoz berishga qadar va undan so‘ng kuzatilgan qonun buzilishlarini sinchiklab tahlil etish zarurligini bildirgandi.
Izoh (0)