Хаски, Линч ва «Тахтлар ўйини». Кун воқеалари (фото ва видео)

Ҳар куни оламда кўплаб қизиқарли воқеалар юз беради. Уларнинг кўпчилиги назаримиздан четда қолади. «Сноб» нашри шундай воқеаларнинг эътиборга лойиқлари билан таништирди.

Бангкокда шундай кафе борки, у ерда нафақат тамадди қилиш, балки хаски зотидаги итлар билан ўйнаш ҳам мумкин. 25 та кучукча меҳмонларни шод-қувноқ ҳолда кутиб олади.

Бразилиялик велопойгачи Виктор Фонсека машғулотлар чоғида йўл четида мушукчани топиб олди. Уни олиб, биргаликда йўлда давом этди.

Буюк британиялик олти ёшли бола Жозеф Гриффитс Манчестердаги терактда жабрланганлар учун қон топширишга келди, аммо жуда ёш бўлгани учун тўғри келмади. Шунда у жабрланувчиларга турли ширинликлар келтириб берди.

Канн кинофестивалида «Твин Пикс» сериали янги мавсумининг илк сериялари премьера қилингач, томошабинлар ўрнидан туриб, режиссёр Дэвид Линчни гулдурос қарсаклар билан олқишлади. Линч кўзига ёш олди.

Ovation pour #DavidLynch #KyleMacLachlan #TwinPeaks #Cannes70 #Cannes2017 👉 https://t.co/bb9E0coPgn pic.twitter.com/7ZlLxN2l7B

— CANAL+ Cinéma (@CanalplusCinema) May 25, 2017

Қуйида эса «Тахтлар ўйини» сериалининг расмий постерини кўришингиз мумкин.