АҚШ президентининг Яқин Шарқ минтақаси, жумладан, Вифлеемга ташрифи фаластинликлар ва исроилликлар ўртасида тинчлик ўрнатилишига умид уйғотди. Бу ҳақда Фаластин раҳбари Маҳмуд Аббос Дональд Трамп билан учрашувидан сўнг маълум қилди, дея хабар беради «ТАСС».
«Президент Трампнинг ташрифи фаластинликлар ва исроилликлар ўртасида тинчлик сулҳи имзоланишига умидни қайтадан уйғотди. Фаластин ҳам АҚШ қаторида буни истайди. Ўртамиздаги можаро турли динларга мансубликда эмас, балки Исроил босқини ва ҳудудларимизда янги манзиллар қурилиши давом этаётганига боғлиқ», — дея таъкидлади Фаластин етакчиси.
Маҳмуд Аббос Фаластин террорчиликка қарши курашда ҳамкорликка тайёрлигини билдирди.
Изоҳ (0)