Германия Бундеслигасининг сўнгги тур беллашувлари кеча — 20 май куни бўлиб ўтди.
Мавсум якунланмай туриб, «Бавария» футболчилари чемпионликни нақд қилиб қўйганди. Кеча мюнхенлик футболчилар ўз майдонида чемпионликни нишонлади, шунингдек, Филипп Лам ва Хаби Алонсо каби спортчиларни футболчиликдан кузатиб қўйди.
Иродали ғалабани қўлга киритган Дортмунднинг «Боруссия» клуби мавсумни бронза медаллари билан якунлади.
Келаси мавсум Европа Чемпионлар лигасида «Бавария», «Лейпциг», «Боруссия Дортмунд» ва «Хоффенхайм» клублари тўп суради.
Икки йил олдин Бундеслигага чиқишга муваффақ бўлган икки клуб — «Дармштадт» ва «Ингольштадт» элита билан хайрлашди. «Вольфсбург» эса Бундеслигада жон сақлаб қолиш учун ўтиш ўйинида иштирок этади.
Мавсум тўпурари
Бу борада «Бавария» ҳужумчиси Роберт Левандовски ҳамда «Боруссия Дортмунд» аъзоси Пьер-Эмерик Обамеянг сўнгги турга қадар рақобатда бўлди. 34-турда польшалик ҳужумчи гол ура олмади, Габон термаси аъзоси эса дубл қайд этди. Натижада Обамеянг 32 та ўйинда урган 31 та голи билан Бундеслига тўпурари бўлди. Левандовски эса шунча ўйинда 30 та гол уриб, иккинчи бўлди.
«Боруссия» клуби сафида бир футболчининг 31 та гол уриши сўнгги бор ярим аср аввал, аниқроғи, 51 йил муқаддам кузатилган бўлиб, бу бахт Лотар Эммерихга насиб қилганди.
«Бавария» — «Фрайбург» 4:1
Голлар: Арьен Роббен, 4 (1:0). Артуро Видаль, 73 (2:0). Нилс Петерсен, 76 (2:1). Франк Рибери, 91 (3:1). Жошуа Киммих, 94 (4:1).«Боруссия Дортмунд» — «Вердер» 4:3
Голлар: Златко Юнузович, 7 (0:1). Марко Ройс, 32 (1:1). Пьер-Эмерик Обамеянг, 42 (2:1). Фин Бартелс, 46 (2:2). Макс Крузе, 68 (2:3). Марко Ройс, 75-пен (3:3). Пьер-Эмерик Обамеянг, 89-пен (4:3).«Хоффенхайм» — «Аугсбург» 0:0
«Айнтрахт» — «Лейпциг» 2:2
Голлар: Марсель Забицер, 25 (0:1). Юссуф Поулсен, 56 (0:2). Хесус Валехо, 83 (1:2). Данни Блум, 90 (2:2).
Изоҳ (0)