Фотогалерея: Дунёда кам учрайдиган экзотик мевалар

Эндиликда банан, апелсин ва кивилар билан ҳеч кимни ҳайрон қолдириб бўлмайди. Чунки уларни бутун йил давомида исталган дастурхон устида кўриш мумкин.

Бироқ дунёда таъми ва ҳиди ажойиб бўлган бошқа мевалар ҳам талайгина. AdMe ана шундай камёб мевалар суратлари тўпламини тақдим этди.

Дуриан

Дурианнинг асосий хусусияти — даҳшатли ҳиди бўлишига қарамай, ажойиб таъмга эга эканлиги. Ҳиди ҳудди чириган пиёз, пишлоқ ва скипидарнинг аралашмасини эслатади. Шу сабабли ушбу мевани жамоат транспорти ва меҳмонхоналарга олиб кириш тақиқланади.

Мевасининг мазаси банан, манго, ананас, музқаймоқ ва қулупнай аралашмасиники каби. Унинг яна бир хусусияти — алкоголь маҳсулотларига аралаштириб бўлмайди. Қон босимини ошириб юборади.

Шакарли олма

Ушбу меванинг таъми музқаймоқни эслатади. Шунингдек, ананас, манго, папая, шафтоли ва қулупнай таъмини ҳам бериши мумкин. Мева оғизда қаймоқ ёки майин крем каби эриб кетади. У тана ҳароратини тушириш ва дизентерияни даволаши билан машҳур. Ягона салбий томони — уруғлари заҳарли.

Жекфрут

Жекфрут дарахтининг меваси энг катта ҳисобланиб, оғирлиги 35 килограмм, узунлиги эса 90 сантиметрга етади. Ҳиди ва таъми банан, ананас ва манго аралашмаси ёки мевали сақичники каби. Жекфрут қовурилганда унинг уруғлари шоколад ҳидини беради.

Жаботикаба

Жаботикаба узум таъмини беради. Ушбу мевадан желе, мармелад, вино ва ликёр тайёрланади. Меванинг қуритилган пўстлоғи Бразилияда астмага, диареяга ва дизентерияга қарши қўлланилади.

Тамарилло

Тамарилло помидор, бақлажон ва Чили қалампирининг яқин қариндоши бўлишига қарамай мева ҳисобланади. Тамариллўнинг таъми помирники каби нордон-ширин. Уни десерт ўрнида ҳам гарнир ўрнида ҳам ишлаца бўлади.

«Будда қўли»

Ушбу меванинг асосий хусусияти пўстлоғи бинафша каби ҳид тарқатишида. Мевасини деярли истеъмол қилиб бўлмайди. Таъми ҳудди лимон пўстлоғиники каби. Меванинг сариқ «бармоқлардан» балиқли таомлар ва салатлар тайёрлашда фойдаланилади.

Илон мева

Унинг пўстлоғи ҳудди илон териси каби бўлгани учун шундай ном берилган. Меванинг ҳиди хушбўй бўлибгина қолмай таъми ҳам ўзига хос. Мевани пўстлоғидан тозалашда жуда эҳтиёт бўлинмаса, қўлларга тикони кириши мумкин.

Бармоқли лайм

Кўринишидан балиқ увилдириғини эслатгани учун унинг иккинчи номи — лаймли увилдириқ. Кичкина мева пиёзлари ичида шарбат мавжуд, унинг таъми оддий лаймники каби.

Капуасу

Какаонинг яқин қариндоши. Кўпинча анъанавий какао ўрнида ишлатилиб турилади. Шоколаднинг ажойиб муқобили бўлишига қарамай, таъми мураккаб.

Лонган

Уни кўпинча личи ўсимлигининг кичкина укаси дея аташади. Лонган мазали, сувли ва жуда хушбўй. Меваси таркибида шакар, C витамин, кальций, темир ва фосфор, шунингдек, терига фойдали биокислоталари кўп учрайди.

Шоколадли лиана (акебия)

Акебиянинг меваларини десерт ўрнида истеъмол қилишади, пўстлоғини эса гўшт билан бирга қиймага аралаштиришади. Хушбўй ҳидга эга ва таъми малинаники каби. Ўсимликка яқинроқ борилса, шоколаднинг енгил ҳидини сезиш мумкин.