Дубайда жойлашган Bulgari Resorts & Residences мажмуасидаги пентхаус ҳали охиригача қуриб бўлинмаган, аммо бу унга нарх бўйича рекорд ўрнатишга халал бермади, деб ёзади Forbes.
Олди-сотдини амалга оширган брокер Khaleej Times нашрига маълум қилишича, пентхаус 60 миллион БАА дирҳами (16,3 миллион доллар)га сотилган. Бунгача нарх бўйича рекорд Fairmont Palm Hotel & Resort’даги пентхаусга тегишли эди, у 2014 йилда 11,4 миллион долларга сотилганди.
Лойиҳа девелопери — Meraas компанияси мажмуани 2017 йилда қуриб битиришни режалаштирмоқда. Пентхауснинг майдони — 14 минг квадрат метрга, бутун хусусий орол бўйлаб жойлашган резортнинг ўз майдони эса 1,7 миллион квадрат метрга етади.
Изоҳ (0)