Гонконгдаги ҳукумат аукционида дунёдаги энг қимматбаҳо ер майдони сотилди, харидор у учун 3 миллиард доллар тўлади, деб ёзади South China Morning Post.
Гонконгнинг қоқ марказидаги ер майдонини дунёдаги энг бадавлат кишилардан бири Ли Шаукига тегишли бўлган Henderson Land Development компанияси сотиб олди. Харид ҳуқуқи учун яна саккизта компания кураш олиб борди, улар орасида Хитой Халқ Республикаси вакиллари ҳам бор эди.
Henderson Land Development ернинг ҳар бир квадрат фути (0,09 квадрат метри) учун 6460 доллар тўлади. Ернинг якуний қиймати 3 миллиард долларни ташкил этди, экспертлар эса уни 2,8 миллиард долларга баҳолаган эди.
Ер майдонини айни пайтда беш қаватли автомобиллар тураргоҳи банд этган. Henderson Land Development уни 2022 йилгача бузиб, ўрнига офисли бино қуришни режалаштирмоқда.
Изоҳ (0)