13 май куни пойтахт Тошкент «Баҳорги аёллар веломарафони»га мезбонлик қилди, деб маълумот берди Ўзбекистон паралимпия ассоциацияси матбуот хизмати «Дарё» нашрига.
Веломарофон Ўзбекистон хотин-қизлар қўмитаси ҳамда мамлакат велосипед спорти федерацияси ташаббуси билан халқаро оила кунига бағишлаб ўтказилди. Унинг учун Абдулла Қодирий кўчаси бўйлаб 5 километрлик йўл танлаб олинганди. Марафонда иштирок этиш истагини Тошкент шаҳар ва Тошкент вилоятидан бир ярим мингдан зиёд хотин-қиз билдирди.
Унда аёллар уч ёш тоифасига ажратилди: 18—30 ёшлилар, 31—45 ёшлилар ва 45 ёшдан катта бўлган аёллар. Марафонда нафақат профессионал спортчилар иштирок этди, балки велосипед учишни эплай оладиган ҳаваскорлар ҳам қатнашди.
Бунда аёлларни қутлаш учун ўзбек эстрадаси юлдузлари ҳам ташриф буюрди: Райҳон, Шаҳзода, Самандар Ҳамроқулов, Машҳурбек, Руҳшона, Лола, Раъно Ярашева, Риҳстилла Абдуллаев, Райҳон Уласенова. Кўзланган асосий мақсад — хотин-қизлар ўртасида фаол ва соғлом турмуш тазини тарғиб қилиш, уларнинг жисмоний камолоти учун кўмаклашиш, экологик жиҳатдан аёллар хавфсизлигини таъминлашдан иборат эди.
Қуйида тўрт тоифага бўлиб ўтказилган мусобақа ғолиблари билан танишиш мумкин.
Профессионал спортчилар
1. Маргарита Мисюрина2. Олга Жантуганова3. София Каримова
18—30 ёшли хотин-қизлар
1. Алёна Ширакалова (Тошкент)2. Адолат Сотиболдиева (Тошкент)2. Маҳлиё Нуркиева (Тошкент вилояти)3. Ҳилола Дилмуродова (Тошкент)3. Елена Галика (Тошкент вилояти)3. Дилдора Софиева (Тошкент)31—45 ёшли аёллар
1. Олга Дробишева (Тошкент)2. Олга Шаталова (Тошкент)2. Шоҳиста Содиқова (Тошкент вилояти)3. Евгения Иратова (Тошкент)3. Хулкар Абдужабборова (Тошкент вилояти)3. Светлана Апсетова (Тошкент вилояти)45 ёшдан катта аёллар
1. Светлана Исаева (Тошкент)2. Светлана Ширкаева (Тошкент)2. Дилфуза Оллоёрова (Тошкент вилояти)3. Фирдаус Деминская (Тошкент)3. Алёна Полякова (Тошкент вилояти)3. Гулчеҳра Перитқулова (Тошкент вилояти)Веломарафон якунидаги тақдирлаш маросимида Ўзбекистон Бош вазирининг ўринбосари, Хотин-қизлар қўмитаси раиси Танзилла Норбоева иштирок этди.
Изоҳ (0)