Трамп Россия ва Украинани тинчликка даъват этди

АҚШ президенти Дональд Трамп ўз Twitter’ида Россия ва Украинани тинчликка даъват этди, деб ёзади «Газета.ru».

«Кеча, бир куннинг ўзида мен ҳам Россия ташқи ишлар вазири Сергей Лавров билан, ҳам Украина ташқи ишлар вазири Павел Климкин билан учрашдим», — деб ёзди Трамп.

Шунингдек, АҚШ президенти иккала учрашувдан олинган суратларни коллаж кўринишида жойлади ва #LetsMakePeace («Келинглар, тинчликка эришамиз») хэштегини ёзди.