Пхеньян «мамлакатда қонунга зид хатти-ҳаракатлари учун қўлга олинган АҚШ фуқароларидан Вашингтон билан музокараларда айирбошлаш пули сифатида фойдаланмайди». Бу ҳақда КХДР ташқи ишлар вазирлиги вакилининг «Нодон синмун» газетасида чоп этилган баёнотида айтилади, деб ёзади «ТАСС».
Дипломат Америка ОАВларида Пхеньян Америка фуқароларини Вашингтон билан музокараларда улардан қалқон ва айирбошлаш пули сифатида фойдаланиш мақсадида гаровга олгани ҳақида пайдо бўлган хабарларга жавоб қилди.
ТИВ вакили сўзларига кўра, КХДРда қўлга олинган америкаликларга нисбатан «республикада амал қилувчи қонунлар асосида, жиноий фаолиятга алоқадорлик айблови бўйича тергов олиб борилмоқда». Пхеньян АҚШ фуқаролари қўлга олинишини «душман кучларининг КХДР раҳбариятини четлатиш мақсадида жиноят содир этишга уринишлари» билан боғламоқда.
Эслатиб ўтамиз, 6 май куни Пхеньяндаги фан ва технологиялар университети ходими Ким Хак Сон қўлга олингани маълум бўлди. У қўпорувчилик фаолиятига алоқадорликда гумон қилинмоқда. Ким Хак Сон Шимолий Кореяда тутиб турилган АҚШнинг тўртинчи фуқароси бўлди.
Изоҳ (0)