Регламентга риоя қилинмаган ҳолда амалга оширилган техник хизмат кўрсатиш натижасида АҚШ президенти учун мўлжалланган VC-25 самолётига 4 миллион доллар ҳажмида зарар етказилди, деб ёзади «ТАСС».
CNN хабар беришича, йўл қўйилган масъулиятсизлик парвоз чоғида бортда ёнғин келиб чиқишига ёки ҳатто портлаш юз беришига олиб келиши мумкин эди.
Boeing механиклари президент самолёти бортидаги кислород қурилмаси ифлосланишига йўл қўйиб берган. Улар кислород қурилмаси созлигини текшириш вақтида зарур тарзда тозаланмаган асбоблардан фойдаланган.
Механиклардан бири ўз раҳбариятига эҳтимолий қоидабузарлик ҳақида хабар қилгач, федерал ҳукумат текширув бошлаган. Техник хизмат кўрсатиш учун масъул пудратчи етказилган зарар учун товон пули тўлаган.
Изоҳ (0)