Америка махсус хизматлари собиқ ходими Эдвард Сноуден АҚШ президенти Дональд Трампнинг ФҚБ директори Жеймс Комини лавозимидан четлатиш қарорига қарши чиқди, деб ёзади «ТАСС».
«ФҚБнинг бу директори кўп йиллар давомида мени сиёсий фаолиятим учун қамоққа олишга уринди. Агар мен унинг истеъфосига қарши чиқа олсам, демак сиз ҳам қарши чиқа оласиз», — деб ёзди у ўз Twitter’ига.
Аввалроқ АҚШ президенти Дональд Трамп Федерал қидирув бюроси (ФҚБ) директори Жеймс Комини ишдан бўшатгани хабар берилган эди. Трамп бу қарорини Коми ўз мажбуриятларини самарали равишда бажаришга қодир эмаслиги билан изоҳлади.
Коми 2013 йилда Барак Обама томонидан ўн йиллик муддатга тайинланган эди, у ушбу муддатни тўлиқ ишлаб бермоқчи эди.
Коми Трампга қарши унинг «Россия билан алоқалари» юзасидан текширув олиб бораётган эди, унинг бундай алоқаларини Оқ уй ҳам, Кремль ҳам рад этмоқда.
Изоҳ (0)