Олий Мажлис, Олий суд, Юристлар малакасини ошириш маркази ва Тошкент давлат юридик университети вакилларидан иборат Ўзбекистон делегацияси 8 майдан 18 майга қадар Германия ва Австрияда мамлакатларнинг суд-ҳуқуқ тажрибасини ўрганади. Бу ҳақда UzDaily хабар бермоқда.
Танишув ташрифининг асосий мақсади суд тизими очиқлигини таъминлаш бўйича илғор хорижий тажрибани ўрганишдан иборат.
Сафар давомида делегация Франкфурт Майндаги олий минтақавий суд ва немис судьялари ассоциацияси, Трирдаги Германия суд академияси, Карлсруэ федерал суди, Бавария олий маъмурий суди, шунингдек, Австрия адлия вазирлиги, Олий суди ва Вена суди вакиллари билан учрашувлар ўтказиши кўзда тутилган.
Ташриф якунлари бўйича Ўзбекистонда судлар салоҳиятини мустаҳкамлаш ва самарадорлигини ошириш, суд тизими шаффофлигини таъминлаш, E-SUD миллий электрон ахборот тизимини такомиллаштириш юзасидан таклиф ва тавсиялар ишлаб чиқилиши кутилмоқда.
Изоҳ (0)