Британиялик эркак жарима тўловини бир челак танга билан амалга оширди (видео)

Британиялик эркак 60 фунт миқдорида жарима тўловини амалга ошириш учун шаҳар кенгашига 1 ва 2 пенни бўлган бир челак танга олиб келди, деб хабар бермоқда «Вести.ru».

2017 йилнинг февраль ойида Пэдди Форбс ўғлини денгизга олиб борди, аммо у ўғли таҳсил олаётган мактаб маъмуриятидан бунинг учун рухсат олмаган эди. Ота ва бола уйга қайтгач, жарима ҳақида билдиришнома келган.

Натижада ғазабланган эркак жаримани тўлаш мақсадида шаҳар кенгашига бир челак танга олиб келди ва мижозларни қабул қилиш устунчасига тангаларни тўкиб ташлади.

Британиялик эркакнинг тўлови қабул қилинмаганлиги истисно этилмаяпти. Маҳаллий қонунчиликка кўра, 1 ва 2 пеннилик тангаларни 20 пеннидан қиммат бўлмаган товар ёки маҳсулотни сотиб олишда ишлатиш мумкин.

«Дарё»нинг Telegram’даги расмий канали — @toshqindaryo’га аъзо бўлинг!