Хитойлик ота-она ўз ўғлини 30 йил давомида уй қамоғида сақлади

Хитойда ота-она ўз ўглини 30 йилдан ортиқ уйдан чиқармасдан сақлаган. Уларнинг фикрича, бола ёмон руҳлар таъсирига тушиб қолган. Бу ҳақда South China Morning Post нашрига таяниб, «Вести.ru» хабар берди.

Исми маълум қилинмаётган 39 ёшли эркак Гуанси провинциясидаги Бейхай шаҳрида болалигидан буён деразаларига панжаралар ўрнатилган ва қулфланган хонада яшайди.

Ота-онасининг сўзларига кўра, бола олти ёшида уйдан қочиб кетган, шундан сўнг нотаниш киши уни уйига қайтариб олиб келган. Шу вақтда уйни инс-жинслардан тозалаш ишлари олиб борилаётган эди.

Уйга қайтганидан сўнг, бола доимий равишда уйдан қочиб кетиб, қўшнилардан овқат ўғирлайдиган бўлиб қолган. Шунинг учун ота-она уни уйнинг хоналаридан бирига қамаб қўйишга қарор қилган.

Онасининг сўзларига кўра, у эри билан боланинг ҳар кунлик эҳтиёжини қондирган, бироқ уни хонада сақлашдан бошқа чорани кўрмаган. Ҳозирги вақтда эркакни даволаш учун руҳий касалхонага жойлаштириш масаласи кўриб чиқилмоқда.

«Дарё»нинг Telegram’даги расмий канали — @toshqindaryo’га аъзо бўлинг!