АҚШнинг Сиерра Виста ( Аризона штати) шаҳрида яшовчи Лора Уоллес қайнонаси Walmart тармоғи дўконларидан бирида харид қилган сумкасида Хитой тилида битилган мактуб топиб олганини маълум қилди. Бу ҳақда TJournal хабар бермоқда.
Аёл танишидан мактубни таржима қилиб беришни сўради. Маълум бўлишича, унда Хитойнинг Гуанси туманидаги Иншань қамоқхонаси маҳбуслари ҳаёти тасвирланган экан.
Мактуб муаллифига кўра, маҳбуслар кунига 14 соат, танаффуссиз, тунги 12 гача ишлайди. Бу вақтгача ишини тугатмаганлар калтакланади. Уларга ёғсиз ва тузсиз овқат берилади, хасталикка чалинса ва дори-дармонга эҳтиёж сезса, қиймати маошидан ушлаб қолинади.
Номаълум муаллиф мактубини «Хитойда маҳбус бўлиш Америкада от, мол, қўй, чўчқа ёки ит бўлгандан ҳам ёмон» деган сўзлар билан якунлаган.
Walmart вакиллари мактубга изоҳ беришдан бош тортди ва буни хатни чиндан ҳам сумкани тайёрлаган хитойлик маҳбус ёзганини тасдиқлашнинг имкони йўқлиги билан тушунтирди. Уларнинг таъкидлашича, эркин меҳнат компания маҳсулот етказиб берувчилар олдига қўядиган асосий талаблардан бири ҳисобланади.
Изоҳ (0)