Наманганда «Президент эътибори – мурувват тадбирларида» шиори остида 43 жуфт келин-куёвнинг никоҳ, 283 нафар боланинг суннат тўйлари ўтказилиши режалаштирилган. Уларнинг дастлабкиси Янгиқўрғон туманида бўлиб ўтди. Бу ҳақда «Дарё»га туман ҳокимлиги ахборот хизмати маълум қилди.
Туман марказидаги SD Center тўй-маросимлар мажмуасида Ўзбекистон Касаба уюшмалари федерацияси, вилоят ва туман ҳокимликлари, давлат ва жамоат ташкилотлари ҳамкорлигида ўтказилган 21 нафар боланинг суннат тўй маросимида уларнинг ота-оналари, яқинлари, маҳалла фаоллари, меҳнат фахрийлари, нуронийлар иштирок этди.
Вилоят ҳокими Хайрулло Бозоров тўкин дастурхон атрофида ўтирган тўйболаларнинг ҳар бирига ҳисоб рақамига 1 миллион сўмдан пул маблағи ўтказилган жамғарма омонат дафтарчаларини топширди. Туман ҳокимлиги ва жамоат ташкилотлари томонидан совға-саломлар, китоб тўпламлари тақдим этилди.
Тадбирда Ўзбекистонда хизмат кўрсатган артист Меҳри Абдуллаева, хонанда Ҳамиджон Маллабоев, туман маданият бўлимининг «Шодиёна» ансамбли иштирок этди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)