Раҳбарият алмашган «Пахтакор»да мавсумдаги учинчи ғалаба, «Бунёдкор» Муборакда мағлуб бўлди

Футбол бўйича Ўзбекистон Олий лигасининг 8-тур учрашувлари старт олди ва унинг доирасида икки учрашув бўлиб ўтди.

Икки кун аввал Жасур Абдураимовни вақтинчалик бош мураббий сифатида ишга олган «Пахтакор» ўз майдонида «Навбаҳор»ни мағлуб этди. Ўйин асосий вақти якунига икки дақиқа қолганида Ғиёс Комилов ўз дарвозасини ишғол этиб, Наманган клубини 1 очкодан маҳрум қилди.

Стадионга келган ишқибозларни табриклашни хоҳлайман. Ўйинчилардан миннатдорман, улар бугун ғалаба учун 150 фоиз имкониятларини ишга солишди.Шу ўйин учун вазифа бажарилди — ғалаба.

«Пахтакор» ўзбек футболининг байроқдори. Йигитлар ўзларига ишончни ҳис қилишди. Бу ҳолат давом этади деб умид қиламан.

Ёш дарвозабон Шоҳрух Раимов учун хурсандман. Олий лигада дебют қилди ва беллашувни хатосиз ўтказди. Қийин беллашувда савиясини кўрсатди. Ёш ўйинчиларга ишонишда давом этамиз. Мослашиш учун уларга вақт керак, аммо катталар футболига кўника олишади деб ўйлайман.

Жасур Абдураимов, «Пахтакор» бош мураббийи в.б.

Сергей Лушчан бошчилик қиладиган «Бунёдкор» 24 апрель куни керак бўлмаган ўйинда Осиё Чемпионлар лигасидаги узоқ кутилган ғалабасини қўлга киритганди. Миллий чемпионатда эса бу сафар Муборакдан мағлубият билан қайтиб келди.

«Машъал»ни ғалаба билан табриклайман. Улар бугун ўз имкониятларини кутиб ўйнади ва ўша имкониятдан гол уриб ютиб кетди.

Сергей Лушчан, «Бунёдкор» бош мураббийи

Аввалроқ «Бунёдкор»да ҳам «Пахтакор»даги каби раҳбарият алмашиши айтилган бўлиб, Бахтиёр Бобоев истеъфога чиқарилганди. Унинг ўрнига ким тайинлангани ҳозирча маълум эмас. Сергей Лушчан бошқарувида қаторасига уч йил мамлакат чемпиони бўла олмаган «қалдирғочлар», бу йилги мавсумни ҳар йилгидан-да ёмонроқ бошлаган.

Ўзбекистон Олий лигаси 8-тур ўйинлари 28 апрель, жума

«Пахтакор» — «Навбаҳор» 1:0

«Машъал» — «Бунёдкор» 1:0

29 апрель, шанба«Қизилқум» — «Насаф»«Локомотив» — «Обод»«Шўртан» — «Қўқон—1912»«Динамо» — «Сўғдиёна»«Нефтчи» — «Олмалиқ»«Металлург» — «Бухоро»